<*kashmakash*>

haa'e woh dard meiN Dooba hoaa yadooN ka hajoom
kanpte dil ka taqazza tHa keh unheeN yaad na kar
yooN bHee dunya se paraishan satane se ho'e
aur naakarda gunahooN kee pashaimanee bHee
un ko chaaha unheeN pooja yeh khatva apnee naheeN
apne anjaam se ghaafil tHe mohabat ke aseer
zindgee aik sitam aik moxeebat ke siwa
aur kuchH hum ko naZar Aa na sakee gham ke siwa
aur Is gham ka madaawa yahaaN dunya meiN naheeN
maot aisee hai jo Is gham se chuRa detee hai
kaanpte rehte heiN maazzee ke dHunlake saa'e
dil meiN Ik Tees uTHa detee hai yaadooN kee xaleeb
koshasheiN laakH karaiN un ko bHulaane kee magar
woh har Ik saans meiN samaa'e se ho'e
jaise pHolooN meiN samaa'ee ho'ee un ke khushboo
jaise sooraj kee tapash os se naheeN door kaheeN
mere Allah mere gham ka madaawaa kar de
mujH ko dunya ke har aHsaas se chHuTkaara de"